Home / خبر یں / ارجن کپور کی ملائیکا اروڑا سے شادی کے چرچے

ارجن کپور کی ملائیکا اروڑا سے شادی کے چرچے

پریانکا چوپڑہ اور نک جونس اور دپیکا پڈوکون اور رنویر سنگھ کی شادی کی خبروں کے بعد اب قیاس آرائیاں ہیں کہ بالی وڈ کے نوجوان اداکار ارجن کپور بھی آئندہ برس اداکارہ ملائیکا اروڑا سے شادی کرنے جارہے ہیں۔
بھارتی میڈیا کی رپورٹس کے مطابق ارجن اور ملائیکا کے درمیان طویل عرصے سے قریبی دوستی ہے اور دونوں کو ایک دوسرے کے ساتھ اکثر کئی تقریبات اور ایئرپورٹ پر دیکھا گیا ہے۔
فلم فیئر کی رپورٹ کے مطابق ارجن اور ملائیکا آئندہ برس شادی کرنے جارہے ہیں اور جلد ہی اپنے رشتے کے حوالے سے سب کو آگاہ کردیں گے۔رپورٹ کے مطابق ارجن نے حال ہی میں ملائیکا کے ایک رئیلٹی ٹی وی شو میں شرکت کی تھی، جس کے بعد دونوں ایک دوسرے کے ساتھ نظر آئے۔
واضح رہے کہ ارجن کپور کی عمر 33 برس ہے اور ملائیکا کی عمر 45 برس ہے یعنی دونوں کے درمیان 12 سال کا فرق ہے۔رپورٹس کے مطابق ارجن کپور کے والد اور معروف پروڈیوسر بونی کپور ان کی ملائیکا سے شادی کے خلاف ہیں۔
ملائیکا اروڑا، اداکار ارباز خان کی سابق اہلیہ ہیں، دونوں نے شادی کے 21 برس بعد ذاتی ترجیحات کی بنا پر ایک دوسرے سے علیحدگی اختیار کرلی تھی۔ دونوں کا ایک بیٹا بھی ہے۔

Check Also

نیب کالا قانون ہے اسے ختم ہونا چاہیے: شاہد خاقان عباسی

لاہور: سابق وزیراعظم شاہد خاقان عباسی کا کہنا ہےکہ نیب کالا قانون ہے اسے ختم ...

Leave a Reply

Your email address will not be published. Required fields are marked *

Facebook IconYouTube Icon