Home / خبر یں / کرن جوہر نے ‘کچھ کچھ ہوتا ہے’ کے سیکوئل کی تردید کردی

کرن جوہر نے ‘کچھ کچھ ہوتا ہے’ کے سیکوئل کی تردید کردی

کافی عرصے سے قیاس آرائیاں جاری تھیں کہ بالی وڈ کی بلاک بسٹر فلم ‘کچھ کچھ ہوتا ہے’ کا سیکوئل بنایا جارہا ہے، تاہم فلمساز اور ڈائریکٹر کرن جوہر نے ان خبروں کی تردید کردی ہے۔
فلم ‘کچھ کچھ ہوتا ہے’ کی تکمیل کو 20 برس مکمل ہوچکے ہیں۔
حال ہی میں بھارتی ویب سائٹ بالی وڈ ہنگامہ نے کرن جوہر کے قریبی ذرائع کے حوالے سے رپورٹ کیا کہ وہ ‘کچھ کچھ ہوتا ہے’ کا سیکوئل بنانے جارہے ہیں اور جلد ہی اس کا اعلان کریں گے۔
رپورٹ میں یہ دعویٰ بھی کیا گیا تھا کہ کرن جوہر نے فلم کی کاسٹ کو فائنل نہیں کیا تاہم وہ ٹائیگر شروف، عالیہ بھٹ اور دیشا پٹانی کو فلم میں شامل کرنے پر غور کر رہے ہیں۔
یہ بھی دعویٰ کیا گیا تھا کہ اس فلم کی ہدایات کرن جوہر نہیں دیں گے کیونکہ وہ اپنی فلم ‘تخت’ میں مصروف ہیں۔
تاہم کرن جوہر نے ٹوئٹر پر اپنے پیغام میں فلم کے سیکوئل بنائے جانے کی واضح الفاظ میں تردید کردی۔کرن جوہر کی ہدایات میں 1998 میں ریلیز ہونے والی فلم ‘کچھ کچھ ہوتا ہے’، اپنے وقت کی بلاک بسٹر فلم میں تھی، جس میں شاہ رخ خان، کاجول اور رانی مکھرجی نے مرکزی کردار ادا کیا تھا۔

Check Also

اپنی ہی کم سن بیٹی پر تشدد کرنے والا فلسطینی والد سعودی عرب میں گرفتار

سعودی عرب کے دارالحکومت ریاض کی پولیس نے اپنی ہی کم سن بیٹی پر بے ...

Leave a Reply

Your email address will not be published. Required fields are marked *

Facebook Iconfacebook like buttonYouTube IconTwitter Icontwitter follow button