Home / تعلیم / بھارت میں کتاب کے سرورق پر پاکستانی بچی اور پرچم شائع ہونے پر ہنگامہ

بھارت میں کتاب کے سرورق پر پاکستانی بچی اور پرچم شائع ہونے پر ہنگامہ

نئی دلی: بھارتی ریاست بہار میں اسکول میں تقسیم کی جانے والی کتاب کے سرورق پر پاکستانی پرچم اور بچی کی تصویر نے نیا ہنگامہ کھڑا کردیا۔
پل پل نیوز کے مطابق بھارتی میڈیا کے مطابق ‘بیٹی بچاؤ بیٹی پڑھاؤ’ مہم کے تحت ریاست بہار میں تقسیم کردہ کتابچے کے سرورق پر پاکستانی پرچم اور لڑکی کی تصویر شائع کی گئی تھی، جس کی نشاندہی پر ریاستی حکومت کو شدید تنقید کا نشانہ بنایا جارہا ہے۔
اسکول کی کتاب کے سرورق پر اسکول کے یونیفارم میں ملبوس پاکستانی بچی پاکستان کا قومی پرچم بنا رہی ہے۔
ریاستی حکومت نے 5 ہزار نوٹ بک شائع کیں جسے پٹنہ سپرب انٹرپرائزز کی جانب سے علاقے کے تمام اسکولوں میں تقسیم کیا گیا۔
بعدازاں معاملے کا علم ہونے پر کتابوں کی تقسیم کا عمل روک دیا گیا۔
دوسری جانب تصویر کی نشاندہی ہونے کے بعد ریاست بہار کے وزیراعلیٰ نتیش کمار نے پاکستانی پرچم کے ساتھ بچی کی تصویر نوٹ بک پر شائع ہونے کی تحقیقات کے لیے کمیٹی تشکیل دے دی۔
ڈسٹرکٹ کوارڈینیٹر برائے صحت و صفائی سدھیر کمار کا کہنا ہے کہ پاکستانی پرچم اور بچی کی تصویر نوٹ بک کے سرورق پر چھپنا غلطی ہے۔

Check Also

نیب کالا قانون ہے اسے ختم ہونا چاہیے: شاہد خاقان عباسی

لاہور: سابق وزیراعظم شاہد خاقان عباسی کا کہنا ہےکہ نیب کالا قانون ہے اسے ختم ...

Leave a Reply

Your email address will not be published. Required fields are marked *

Facebook IconYouTube Icon